Ганцхан номын тусламжтайгаар нойрны чанар, хооллолт, сэтгэл санаа, эрч хүч, арьс, жинг гээд эрүүл мэндээ тэр чигт нь сайжруулах боломжтой гэвэл та итгэх үү? Уншихад хэтэрхий төвөгтэй, мэргэжлийн үг хэллэг, дагахад хэцүү зөвлөгөөгөөр дүүрэн байх юм шиг сонсогдож байна уу? Тэгвэл Жесси Инчаспе-ийн уг ном нь харин ч эсрэгээрээ – ярвигтай хүнд сэдвийн талаар хамгийн энгийнээр тайлбарласан ба дагахад хялбар зөвлөгөө болгон нэгтгэжээ.

Жил бүр л эхлэхэд бид олон зорилт өөртөө тавьдаг хэдий ч бүхэл бүтэн жил байгаа гэсэн бодолд хөтлөгдсөөр зорилгуудаа хойш тавьдаг тал бий. Ингээд зогсохгүй заримдаа жил дуусахын алдад л жилийн эхэнд тавьсан зорилгоо эргэн санаж гэнэт яарч эсвэл өөртөө урам хугардаг. Гэвч яаж зарим нэг хүмүүс жил эхлээд удаагүй байхад аль хэдийн хамаг зорилгуудаа амжуулчихсан байгаад байна? Та тэр хүнээс ялгараад байх зүйлгүй, зорилгууд тань ч нэг их ялгаагүй л байх. Тэгэхээр илүү арга барил, хандлагад л учир байна. Хэрхэн өөрийн нөөц бололцоогоо ашиглан жилийн туршид хийнэ гэж төлөвлөөд биелүүлдэггүй зорилгуудаа богино хугацаанд биелүүлэх вэ? Уг асуултын хариултыг та энэ номоос олох болно.

Өнгөц харахад уг ном нь хэрхэн долоо хоногт ердөө 4-хөн цаг ажиллах талаар мэт боловч үнэн хэрэгтээ хэрхэн нийгмийн хэвшмэл арга барилыг эвдэн, өөрийн цагийг хамгийн оновчтойгоор ашиглах арга барилын талаарх ном юм. Уг номд “DEAL” арга барилыг тайлбарлах ба үүнийг хэрэгжүүлснээр номын зохиолч Тим Феррисс үе шаттайгаар долоо хоногт хамгийн багадаа 40 цаг ажилладгаа 4-хөн цаг ажилладаг болж чадсан байна. 

Уг ном нь Роберт Кийосаки-гийн “Баян аав, ядуу аав” цуврал номын хоёр дахь ном ба хэрхэн зарим хүмүүс бусдаас бага ажилласан ч илүү баяждаг нууцыг дэлгэнэ. Ихэнхдээ хүмүүс баялаг, эд хөрөнгийн талаар ташаа ойлголттой байдгаас хэрхэн баяжих аргаа олдоггүй байна. Тэгвэл эд хөрөнгө бүтээх арга барил, уг үйл явцын талаар бодит ойлголтыг уг номоос аваарай.

Та ойр дотнын хүмүүсээ хайрладаг шигээ өөрийгөө хайрлаж чаддаг уу? Өөрийгөө хайрлах хайр гэж чухам юуг хэлэх вэ? Өөрийгөө байгаагаар нь хайрлах нь таны амьдралд ямар үр дагавар авчрах вэ? Чухамдаа бид бүгд л аз жаргалтай, амар амгалан, сайхан амьдралыг бүтээхийг зорьдог. Гэвч ихэнх маань үнэндээ өөрийгөө сайн таньж мэдээгүй, өөрийгөө хүлээн авч чаддаггүй ба хаанаас яаж эхлэн амьдралаа өөрчлөхийг мэддэггүй байна. Эдгээр болон олон төрлийн асуултад уг ном маш энгийн боловч гүн сэтгэгдэл төрүүлэхээр өгүүлжээ.

Олимпын тамирчид, дэлхийд гайхагдсан хөгжимчид, хамгийн амжилттай яваа бизнесменүүдийг нэгтгэх зүйл бол тэдний гүйцэтгэл, бүтээмж оргил цэгтээ хүрсэн явдал юм. Өрсөлдөөн хэзээ хэзээнээс илүү болсон, бүх зүйл хурдацтай өөрчлөгдөн хөгжиж буй өнөө цагт өөрийн бүтээмж болон гүйцэтгэлийг байнга өсгөх, оргилд нь хүргэх, тэндээ тогтоох нь амжилтын нууц болсон байна. Тиймээс ч уг ном танд хэрхэн өөрийн нөөц бололцоог нээж, гүйцэтгэлээ сайжруулах аргуудыг зааж өгнө.

Одоогоос 8,000 гаруй жилийн өмнөх Эртний Вавилоны түүхээр санхүүгийн эрх чөлөөнд хүрэх аргуудыг өгүүлэх уг ном нь анх хэвлэгдсэнээсээ 100 жилийн дараа ч эрэлттэй хэвээр байна. 

Танд заримдаа эргэн тойронд тань дан тэнэг хүмүүс байгаа юм шиг санагддаг уу? Юу ч хэлээд ойлгохгүй, өөрсдийн алдааг харахгүй хүмүүс л байгаа мэт тийм мэдрэмж? Яагаад яаж ч хэлж, яаж ч зөвлөөд ойлгохгүй байгааг нь та гайхаж байсан уу?

Бид өөрсдөөрөө бүхнийг дүгнэдэг ба бидэнтэй ижил байдлаар харилцдаг, аливаад ханддаг хүн л биш бол бид “тэнэг” гэх тодорхойлолт өгдөг. Гэвч үнэндээ тэд үнэхээр тэнэг гэж үү? Эсвэл бид өөрсдөө тэнэг юм болов уу? Аль нь ч биш. Зүгээр л бидний ойлголцох арга барил өөр хэрэг. Тэгвэл уг ном танд хэрхэн бүх төрлийн хүмүүстэй “хэл амаа олоход” тусална. 

Амжилт болон баялгийн нууцыг тайлахаар зорьсон ном зохиолууд цөөнгүй бий. Хүн бүрийн арга барил, амжилт баялгийг тодорхойлох ойлголт нь өөр тул хүн бүрийн амжилтын түүх өөр болохоор тэр биз. Харин нэгэн амжилттай яваа тэрбумтны нууц нь өглөөний 5 цагт босох байсан байна. Тэрээр 5 цагт босох нь түүний амжилтад өөрийнх нь бизнес ухаан, арга барилаас нь ч илүү чухал гэж боддог байна. Иймээс таныг ч мөн “Өглөөний 5 цагийн клубт” урьж байна.

Нэг л мэдэхэд ямар нэг асуудлын талаар бодож, цааш нь төсөөлснөөр зовниж, шаналсан байдаг уу? Бид тархи сайн зүйлээс илүү муу зүйлийг ургуулан бодохдоо илүү сайн ба тэрэндээ өөрсдөө хямарч гутран явдаг. Тэгвэл бидний санаа зовсон ихэнх зүйлс бодит байдал дээр биелэх магадлал нь маш бага гэдгийг баталсан судалгаа байдаг. Аливааг муугаар төсөөлж, хэрэгтэй хэрэггүй зүйлд зовних нь нэг ёсондоо таны толгойн дотроо босгосон бодлын шорон л гэсэн үг. Та өөрийгөө уг бодлын шорондоо хорьж, түүндээ хязгаарлагдан эрх чөлөөтэй амьдарч чаддаггүй гэсэн үг. Тэгвэл хэрхэн уг бодлын хүлээсээ тайлж, хэрэггүй зүйлсийг хэтрүүлэн бодож зовнихоо болих вэ?

Амжилттай хүмүүсийн түүх, намтрыг уншвал бараг бүгд л тухайн хүний оюун ухаан, авьяас билиг, ур чадвар, тууштай хөдөлмөр, заримдаа итгэмээргүй адал явдлыг өгүүлдэг. Харин энгийн бид уг түүхүүдийг уншин тухайн хүний онцгой авьяас, чадварыг атаархаж суудаг.

Тэгвэл Outliers номд уг ойлголтыг үгүйсгэх болно. Уг номоос та амжилттай хүмүүст өөр ямар хүчин зүйлс томоохон нөлөө үзүүлдгийг, тухайн хүчин зүйлс ихэвчлэн тухайн хүний сонгосон, хөгжүүлсэн ур чадвар байдаггүй болохыг олж мэднэ. Тиймдээ ч амжилт гэдэг нь хэн нэгний сохор аз, төрмөл чадвар, тууштай хөдөлмөр эсвэл гэр бүл, улс орон гэх нөхцөл байдлыг аль нэг нь бус харин эдгээр болон бусад хүчин зүйлсийн нэгдэл гэдгийг Гладвелл тодорхой харуулна.

Дейл Карнегийн нэрийг эсвэл “Нөхдөө өөртөө татаж хүмүүст нөлөөлөх ёсон” номын талаар сонсож байгаагүй хүн үгүй биз. Уг ном нь 1936 онд анх хэвлэгдсэн ба гарсан даруйдаа шуугиан тарьсан гэж хэлж болно. Найз нөхөдтэй болохыг хүсэхгүй хэн байх билээ? Харилцааны ур чадвар, бусдад таалагдах, бусдын итгэл хүлээх чадвараа хөгжүүлэхийг хүсэхгүй хэн байх билээ?

Уг ном нь хэдийгээр бараг нэг зууны өмнө бичигдсэн ч хүмүүсийн сэтгэл зүй, зан төлөв, харилцааны суурь, онцлогийг оновчтой тодорхойлоод зогсохгүй хэрэгжүүлэхэд энгийн тодорхой аргыг тайлбарлажээ. Тиймдээ ч өнөөдрийг хүртэл борлуулалтаараа тэргүүлсээр байгаа билээ.